УИХ-ын 28-р тойрог буюу Сонгинохайрхан дүүрэгт ирэх сарын 10-нд нөхөн сонгууль болно. Учир нь Хотын дарга Д.Сумъяабазар тус тойргоос сонгогдсон боловч УИХ-ын гишүүнээс татгалзаж Хотын дарга болсон. Тус тойрог УИХ-ын гурван мандаттай байсан бөгөөд ийнхүү нэг тойргоос сонгогдсон гишүүний суудал УИХ-д эзэнгүй жил орчим болж буй билээ.
Тэгвэл нөхөн сонгуульд Д.Сумъяабазарын орыг залгахаар 8 нам, 1 эвсэл, 1 бие даагч өрсөлдөхөөр 10 нэр дэвшигч материалаа хүргүүлсэнийг СЕХ нягтлан шалгаад нэр дэвшигчийн үнэмлэх олгох тогтоол гаргасан байна.
28 ДУГААР ТОЙРОГТ / 8 НАМ, 1 ЭВСЭЛ, 1 БИЕ ДААН НЭР ДЭВШИГЧ/
- Монгол Ардын намаас Энхбаярын Батшугар
- Ардчилсан намаас Эрдэнийн Бат-Үүл
- Иргэний Зориг-Ногоон намаас Шагдарсүрэнгийн Гантулга
- Эрх Чөлөөг Хэрэгжүүлэгч намаас Шоовдорын Төмөрсүх
- “Зөв хүн-Электорат” эвслээс Бадрахын Найдалаа
- Үнэн ба Зөв намаас Аюурзанын Отгонбаатар
- Дэлхийн Монголчууд намаас Логийн Цог
- Ард Түмний Олонхийн Засаглал намаас Дэнзэнгийн Чулуунбат
- Шударга Иргэдийн Нэгдсэн Эвсэл намаас Цэндсүрэнгийн Гантулга
- Бие даан нэрээ дэвшүүлэгч Хадбаатарын Бат-Ялалт