Цагдаагийн байгууллагаас алба хаагчдын ажил, мэргэжлийн ур чадвар, бие бялдар, сэтгэл зүйн тэсвэр хатуужил, олон талт үүрэг гүйцэтгэх чадварыг дээшлүүлэх зорилгоор “Цагдаа бэлтгэлжилт-2023” цогцолбор тэмцээнийг зохион байгуулж байна. Энэхүү цогцолбор тэмцээн энэ сарын 15, 16-ны өдрүүдэд Дотоодын цэргийн 05 дугаар анги, Цагдаа, дотоодын цэргийн Сургалтын нэгдсэн төвийн “Нарстай ам” дахь хээрийн сургалтын хэсэгт зохион байгуулагдаж байгаа юм. Уг тэмцээнд 46 багууллагын 138 алба хаагч, 2 үе шаттай өрсөлдөж, өнөөдөр хууль эрх зүйн болон гадаад хэл, компьютерын мэдлэг, биеийн хүч, мэх хэрэглэх ур чадвар, автомашин, мотоцикл жолоодох, морьтой ажиллах зэрэг нийт 8 төрлөөр ур чадварын сорьж байна.
