Трамп дэлхийн улс орнуудаас АНУ-д худалдаалах бараа, бүтээгдэхүүний импортын татварыг нэмэгдүүлэх шийдвэр гаргасны дараа Пүрэв гарагт АНУ-ын үнэт цаасны гол гурван индекс бүгд огцом унаад байна. Тухайлбал Пүрэв гарагийн хаалтын ханшаар Dow Jones индекс өмнөх өдрөөс 3.98 хувиар буурсан нь 2020 оны зургадугаар сараас хойш нэг өдрийн дотор хамгийн их хувиар буурсан үзүүлэлт боллоо. Мөн S&P 500 индекс 4.84 хувиар, Nasdaq индекс 5 хувиар буурчээ. Томоохон компаниуд хувьцаа унасаар байна. Тухайлбал “Nike” компанийн хувьцааны үнэ 14 хувиар огцом унасан бол “Apple” компанийн хувьцаа 9 хувиар уналаа. Мөн томоохон банкуудын хувьцаа ч унав. Жишээлбэл “Western Alliance Bank”-ны хувьцаа бараг 16 хувиар, “Citigroup”-ийн хувьцаа 12 орчим хувиар, “Bank of America” 11 хувиар унажээ. Үүний зэрэгцээ Ази болон Европын хөрөнгийн биржүүдэд огцом уналтууд үргэлжилж байна. Тухайлбал Их Британийн FTSE 100 индекс нэг өдрийн дотор 1.55 хувиар буурсан бол Францын CAC40 индекс 3.31 хувиар буурлаа. Харин Германд DAX индекс 3.01 хувиар унаад байна. Евро болон фунт стерлинг зэрэг зургаан гол валюттай харьцах ам.долларын ханш 1.67 хувиар буурсан нь хөрөнгө оруулагчид зах зээлийн тогтворгүй байдлын улмаас илүү найдвартай валютаар евро болон фунт стерлингийг сонгож байгаа нь эдгээр валютын ханш чангарахад хүргэжээ. Зах зээл шинжээчид Трампын тарифын бодлого энэ байдлаараа үргэлжилвэл инфляц огцом өсөж, макро эдийн засагт ноцтой сөрөг нөлөөл үүснэ гэдгийг харуулж байна. Тэдний тооцооллоор АНУ-ын бодит ДНБ 2025 онд 1.5-2 хувиар буурч, инфляц 5 хувьд хүрч магадгүй байна.
Эх сурвалж: https://www.cnbc.com/2025/04/02/stock-market-today-live-updates-trump-tariffs.htmlwww.cnbc.com
https://economictimes.indiatimes.com/markets/stocks/news/dow-plummets-1000-points-at-open-nasdaq-down-4-sp-3-as-trump-tariffs-trigger-recession-fears/articleshow/119947063.cms?from=mdreconomictimes.indiatimes.com