АНУ-ын Вашингтон хотын Ronald Reagan Washington нисэх буудалд газардах гэж байсан American Airlines компанийн онгоц Blackhawk нисдэг тэрэгтэй агаарт мөргөлдөж, осолдсон харамсалтай хэрэг гарсан.
Тус онгоцонд ОХУ-ын уран гулгалтын дэлхийн аварга хос гулгагчид болох Евгения Шишкова, Вадим Наумов нар байжээ. Евгения Шишкова, Вадим Наумов нар 2017 оноос хойш Бостоны уран гулгалтын клубт багш дасгалжуулагчдаар ажиллаж эхэлсэн байна. Тамирчид өнгөрсөн долоо хоногт АНУ-ын уран гулгалтын аварга шалгаруулах тэмцээнд оролцсоныхоо дараа Вашингтон руу буцаж байжээ.
Онгоцонд 60 зорчигч, нислэгийн багийн дөрвөн гишүүн байсан бөгөөд Вашингтоны Potomac голд унасан талаар бид мэдээлсэн.