Монгол Улсад бүртгүүлсэн гэрлэлтийн тоо сүүлийн жилүүдэд буурч, харин гэр бүл цуцлалтын тоо 4,000-аас дээш түвшинд хадгалагдаж байна. Тухайлбал, 2022 онд 17,574 гэрлэлт бүртгэгдсэн бол 2025 онд 12,582 болж, 28.4 хувиар буурчээ.
Үндэсний статистикийн хорооны мэдээллээр 2021 онд улсын хэмжээнд 16,118 гэрлэлт бүртгэгдсэн бол 2022 онд 17,574 болж өссөн байна. Харин 2023 онд 17,408 болж бага зэрэг буурч, 2024 онд 14,225, 2025 онд 12,582 болжээ. Ингэснээр 2021 онтой харьцуулахад 2025 онд бүртгэгдсэн гэрлэлтийн тоо 21.9 хувиар буурсан байна.
Харин гэрлэлтийн тоо буурч байгаа энэ үед гэр бүл цуцлалтын тоо 2021 оныхоос 2025 онд 32.5 хувиар өссөн байна.
2021 онд 3,391 гэр бүл цуцалсан бол 2022 онд 4,553, 2023 онд 4,776 болж нэмэгджээ. Улмаар 2024 онд 4,463 болж буурсан ч 2025 онд 4,493 болж дахин өссөн байна.
Ингэснээр 2021–2025 оны хооронд гэр бүл цуцлалтын тоо 32.5 хувиар нэмэгдсэн бол гэрлэлтийн тоо буурсан үзүүлэлттэй байна. Харин 2024 онтой харьцуулахад 2025 онд гэрлэлт 11.5 хувиар буурч, гэр бүл цуцлалт 0.7 хувиар өсжээ.
Эдгээр үзүүлэлт нь бүртгэгдсэн гэрлэлтийн тоо буурч, гэр бүл цуцлалт өндөр түвшинд байгааг харуулж байна.
Тухайн жилд салсан хосууд өмнөх жилүүдэд гэрлэсэн байж болох тул гэрлэлт, цуцлалтын тоог шууд харьцуулах боломжгүй.
Эх сурвалж: Үндэсний статистикийн хороо