Ховд аймгийн Дөргөн сумын Засаг дарга Т. Заяа өнөөдөр/2020.05.08/ “Сумын аварга малчин” болон “Сумын алдарт уяач”-дын шагналыг гардуулан өгчээ. Тус сумаас энэ жил “Аймгийн алдарт уяач”-3, “Аймгийн аварга малчин”-5, “Сумын алдарт уяач”-9, “Сумын аварга малчин”-5 төрөн гарчээ.
“Сумын аварга малчин”-аар Агваш багийн малчин М.Сүрэнжав, П.Сүрэнжав, П.Билэгдэмбэрэл, Б.Бал, Аргалант багийн малчин Ж.Ганбаяр нар шалгарсан бол “Сумын алдарт уяач”-аар М.Алтансүх, А.Батцоож, Д.Алтансүх, Н.Даш, Д.Самданцоодол, Ц.Эрдэнэбат, Г.Түмэнбаяр, Ц.Болд, С.Мягмарсүрэн нар тодорч шагналаа гардан авсан байна.
Харин “Аймгийн алдарт уяач”, “Аймгийн аварга малчин”-ы шагналыг ирэх Даваа гарагт гардуулан өгөх аж.
Малчны хотонд нялх төлийн дуу цангинаж,өнгөтэй бүхэн сэргэж,үндэстэй бүхэн цэцэглэдэг энэ сайхан цагаар алдар нэрээ дуудуулан аваргын шагнал авч байгаад нь баяр хүргэж ,аймаг,улсын алдартнууд болохыг хүсэн ерөөе.
