Хатуу хөл хорионы үед Эрүүл мэндийн салбарын ажилчид хувийн унаагаар зорчих боломжтой болсон талаар Эрүүл мэндийн сайд С.Энхболд мэдээллээ. Энэ талаар тэрбээр “Хатуу хөл хорионы үед Эрүүл мэндийн салбарын ажилчид хувийн унаагаар зорчих боломжтой боллоо. УОК-ын шуурхай хуралд эмч, ажилчдад тулгарч буй бэрхшээлийг танилцуулж, шийдвэр гаргууллаа. Өнөөдрөөс Эрүүл мэндийн салбарын ажилчид замын хөдөлгөөнд хувийн унаагаар дугаарын хязгаарлалтгүй оролцож болно” гэж өөрийн цахим хуудастаа бичжээ.
Үйл ажиллагаа нь хязгаарлагдаагүй 15 салбарын ажилтнуудыг хувийн автомашинаар зорчуулахдаа тээврийн хэрэгслийн улсын дугаарын сүүлийн орныг тэгш, сондгойгоор нь хязгаарлан, хөдөлгөөнд оролцуулж байгаа юм. Өнөөдрөөс эхлэн эрүүл мэндийн салбарын ажилчид хувийн унаагаар, дугаарын хязгаарлалтгүйгээр хөдөлгөөнд оролцоно.