Жил бүрийн 5-р сарын 8-ны өдөр хүмүүнлэг үйлсийн эзэд, хүний төлөө гэсэн чин сэтгэлтэй нийгмийн идэвхтнүүдийн өдөр болгон улс даяараа “Хүмүүнлэгийн өдөрлөг”-ийг зохион байгуулдаг. Аймгийн УЗХ нь 2020 онд хийсэн хүмүүнлэгийн үйл ажиллагаагаараа улсдаа 2 байрт орсон бол 2021 онд улсын хэмжээнд тэргүүлсэн амжилттай байна. Өнөөдрийн өдөрлөг арга хэмжээний хүрээнд хүмүүнлэг үйлсийг түгээн дэлгэрүүлэх, нийгмийн сайн сайхны төлөө үйл ажиллагаанд идэвхтэй оролцдог иргэд байгууллагуудаа шагнаж урамшуулах мөн шинээр 4 сургуулийн 6 дугаар ангийн 100 сурагч УЗХ-ны идэвхтэн гишүүн болж тангараг өргөлөө.
