Хятадын арми өнөөдөр өглөө Тайваний хоолойг тойрсон бүсэд арми, тэнгисийн цэрэг, агаар, пуужингийн хүчний хамтарсан сургуулилтыг хийж эхэллээ.
Хятадын Ардын чөлөөлөх армийн зүүн тойргын командлал өнөөдрийн эхлүүлж буй хамтарсан сургуулилтыг удирдан зохион байгуулж байгаа бөгөөд энэ удаагийн сургуулилт нь тэнгисийн болон агаарын хүчний байлдааны бэлэн байдлыг хангаж, хамтарсан хүчний хариу бэлэн байдлыг тогтоох, тэнгисийн болон хуурай замын онилсон бай руу довтолгоо хийх, Тайваний хоолойн тэнгисийн гол замыг хаахад чиглэгдсэн сургуулилтуудыг хийж, цэргийн хамтын ажиллагааны чадавхийг турших юм байна.
Энэхүү сургуулилт нь Тайваний тусгаар тогтнолыг дэмжигч салан тусгаарлах хүчний эсрэг хатуу хариу арга хэмжээ авах анхааруулга өгч буй сургуулилт гэж Бээжин харж байгаа бол Тэйпэгийн зүгээс Тайвань арал бол Хятадын нэг хэсэг гэдэг Бээжингийн байр суурийг няцааж, арлын тусгаар тогтнолыг зөвхөн арлын иргэд л шийдэж, тогтоох ёстой гэж мэдэгджээ.
Тайваний хоёр өндөр албан тушаалтан Ройтерс агентлагт өгсөн мэдээлэлд Хятадын 10 гаруй цэргийн хөлөг онгоц Тайваний арлаас ердөө 44 км зайд ойртож ирсэн гэж мэдээлжээ.
Эх сурвалж:https://www.reuters.com/world/asia-pacific/chinese-military-says-it-is-conducting-exercises-around-taiwan-2025-03-31/