“Эрдэнэс Тавантолгой” ХК-ийн Хувьцаа эзэмшигчдийн хурлаас 4-р сарын 30-ны дотор хувьцааны ногдол ашгийг иргэдийн дансанд олгохоор шийдвэрлэсэн. Үүнийг өчигдөр Засгийн газрын хуралдаанаар хэлэлцэн баталсан юм.
Тэгвэл өнөөдөр иргэдийн дансанд ногдол ашгийг шилжүүлэхээр болжээ. Тодруулбал, иргэний таны 1072 хувьцаа бүрэн байгаа тохиолдолд татварын дараах дүнгээр 63.242 төгрөгийг дансандаа авах юм.
“Эрдэнэс Тавантолгой” ХК нь 2025 оны цэвэр ашгаас нийт 786.6 тэрбум төгрөгийг бүх хувьцаа эзэмшигчдэд ногдол ашиг болгон хуваарилах бөгөөд үүнээс Монгол Улсын 3.5 сая орчим иргэнд нийт 208.5 тэрбум төгрөгийн ногдол ашиг олгож буй.