Үндэсний бөхийн өсвөр үеийн улсын аварга шалгаруулах 58 дахь удаагийн барилдаан ирэх арваннэгдүгээр сарын 16, 17-нд Монгол бөхийн өргөөнд болно. Тус тэмцээн 1964 оноос тасралтгүй зохион байгуулагдаж ирсэн бөгөөд 16, 17, 18 гэсэн гурван насны ангиллаар явагддаг билээ.
Мөн 19, 20 насны залуу хүчтэнүүд өрсөлддөг “Залуучуудын улсын аварга” шалгаруулах барилдаан 2021 оны арваннэгдүгээр сарын 18, 19-нд Монгол бөхийн өргөөнд болох гэж байна.
Эдгээр барилдаануудын журам, зааврыг цар тахлын үеийн нөхцөл байдалд дагаж мөрдөх шаардлагад нийцүүлэн холбогдох байгууллагуудтай зөвшилцөн боловсруулж удахгүй хүргэх аж.