Ерөнхий сайд Л.Оюун-Эрдэнэ “Оюутолгой”-н асуудлаар өнөөдөр (2021.12.13) мэдээлэл хийлээ. “Оюутолгой”-н 66 хувийг “Туркойз хилл” ХХК, 34 хувийг “Эрдэнэс Оюутолгой” ХХК эзэмшдэг. “Туркойз хилл” ХХК-ийн дийлэнх хувьцааг “Рио Тинто” эзэмшдэг. Засгийн газраас Монголын талын эзэмшиж буй 34 хувийн хувьцаанд ногдох зээл, зээлийн хүүг тэглэх саналыг хөрөнгө оруулагч “Рио Тинто” компанид тавьсныг хүлээж авсан байна. УИХ-ын 2019 оны 92 дугаар тогтоолоор “Рио Тинто” компанитай байгуулсан хөрөнгө оруулалтын гэрээг засч сайжруулах, Монголд ашигтай хувилбарыг хөрөнгө оруулагчидтай тохирох саналыг боловсруулахыг Засгийн газарт үүрэг болгон, дээрх ажлын хэсгийг байгуулсан байдаг.
Монгол Улсын Ерөнхий сайд Л.Оюун-Эрдэнэ Оюутолгойн асуудлаар мэдээлэл хийлээ
