Израилийн арми өчигдөр Газа хотын зүүн хойд хэсэгт орших Туффа дүүргийн Дар аль-Аркам нэртэй сургуульд халдлагад үйлдсэний улмаас 27 палестин иргэний амь үрэгджээ. Мөн олон хүн шархадсан гэдгийг орон нутгийн эмнэлгээс мэдээлсэн байна. Израилийн зүгээс Газын зурвасын сургуулиудын барилгыг хэд хэдэн удаа бөмбөгдөж байсан. Тэд энэ үйлдлээ алан хядагчдыг устгахад чиглэсэн үйл ажиллагаа гэж тайлбарладаг. Учир нь алан хядагчид сургууль, эмнэлэг зэрэг иргэний байгууламжуудад хоргодож зэвсгээ нуудаг гэж үздэг. Израилийн энэ удаагийн бөмбөгдөлтөд өртсөн сургуулийг Газын зурвасын иргэд түр хоргодох байр байдлаар ашиглаж байжээ. Израиль 40 хоногийн хугацаатай гал зогсоох санал тавьсан ч Хамас хүлээж аваагүй байгаа. Иймд Израилийн зүгээс Хамасын эсрэг ажиллагаагаа эрчимжүүлж өнгөрсөн 24 цагийн дотор Израилийн халдлагын улмаас 97 хүн амиа алдсан талаар Газын Эрүүл мэндийн яам мэдээлжээ.
Эх сурвалж: https://www.bbc.com/news/articles/cr4nlg6y5pxowww.bbc.com