Гамшгаас хамгаалах тухай хуулинд заасны дагуу Гамшгаас хамгаалах Үндэсний зөвлөлийг Монгол Улсын Ерөнхий сайд, Орон нутгийн зөвлөлийг аймаг, нийслэлийн иргэдийн Төлөөлөгчдийн Хурлын дарга нар тэргүүлэн ажилладаг билээ.
Гамшгаас хамгаалах Үндэсний зөвлөл 2024 оны 12 дугаар сарын 09-ний өдөр хуралдаж, гамшгийн эрсдэлийг бууруулах үндэсний зөвлөлийн 2023-2024 онд авч хэрэгжүүлсэн үйл ажиллагааны хэрэгжилт, 2024-2025 оны зудын эрсдэлийн үнэлгээ, Гамшгийн эрсдэлийг бууруулахад Ази, Номгон далайн бүсийн чиг хандлага, НҮБ-ын Гамшгийн эрсдэлийг бууруулах чадавхыг бэхжүүлэх түншлэл (КАДРИ)-ээс Монгол Улсад хийгдсэн үнэлгээний тайлангийн үр дүн, зөвлөмжийн танилцуулга, гамшгийн эрсдэлийг бууруулах оролцоо сэдвүүдээр мэдээлэл солилцлоо.
Тус хуралд орон нутгийн зөвлөлийн гишүүд цахимаар оролцлоо.