Хүний эрхийн үндэсний комиссоос 2024 оны 11 дүгээр сарын 28,29-ний өдрүүдэд “ХҮНИЙ ЭРХИЙН ТӨЛӨӨ ХАМТДАА” нээлттэй өдөрлөг говийн бүсийн арга хэмжээг Өмнөговь аймагт зохион байгуулж байна.
Уг арга хэмжээнд Дорноговь, Говьсүмбэр, Дундговь, Өмнөговь аймгийн төрийн байгууллагуудын дарга, удирдлага, төрийн албан хаагчид оролцож, Монгол Улсын Үндсэн хууль, хууль, олон улсын хүний эрхийн гэрээгээр баталгаажуулсан хүний эрх, эрх чөлөөний хэрэгжилтийг үнэлэх, хүний эрхийн талаарх мэдлэг, ойлголтыг нэмэгдүүлэх, төрийн үйл ажиллагаанд хүний эрхэд суурилсан хандлагыг төлөвшүүлэхэд чиглэсэн хэлэлцүүлэг өрнүүлэх юм.
Мөн Нутгийн удирдлагын ордны Иргэний танхимд 09:00-17:00 цагийн хооронд иргэдээс өргөдөл, гомдол хүлээн авч, хууль зүйн үнэ төлбөргүй зөвлөгөө өгөх тул иргэд та бүхэн өргөнөөр оролцоно уу.