Хятадад сармагчны цэцэг өвчний анхны тохиолдол илэрсэн талаар тус улсын Эрүүл мэндийн яам баталжээ. Энэ өвчний анхны тохиолдол Хятадын баруун өмнөд нутагт байх Чунчин хотод бүртгэгдсэн гэж Синхуа агентлаг мэдээлжээ.
Чунчиний эрүүл мэндийн комиссын мэдээлснээр, сармагчны цэцэг өвчин туссан нь тогтоогдсон өвчтөн хилийн чандаас иржээ. Түүнийг эмнэлэгт тусгаарласан, биеийн байдал хэвийн байгаа, ойрын хавьтал болсон хүмүүс бүгд эмнэлгийн хяналтад авсан учир хүн амын дунд тархах эрсдэл маш бага гэж орон нутгийн эрүүл мэндийн байгууллааг мэдэгдсэн байна.