Энэ долоо хоногийн /2024.IV.15-IV.21/ өрнийн зурхайг хүргэж байна.
Хонь
Энэ долоо хоногт хийх ёстой ажил тань овоорч, шөнийн нойрыг хугаслах бололтой. Стресстэж бухимдах хэдий ч та бүх зүйлийг хамгийн гайхалтай, үр дүнтэй аргаар даван туулж чадна. Орчлон ертөнц таны хүслийг биелүүлнэ. Тайван бай. Амлалтаа биелүүлэхийн тулд илүү цагаар ажиллах шаардлага гарна. Гэхдээ хамтран ажиллагсад тань гар сунган тусална. Ажил бизнесээс гадна сэтгэл санаа тань таамаглахын аргагүй савалгаатай байна. Та хэн нэгэнтэй харилцах харилцаагаа илүү романтик болгохыг хүсэх бололтой. Санхүүгийн байдал тогтвортой байна. Бие махбод, сэтгэл зүйн хувьд эрч хүчтэй байснаар ажил хэргээ бүтээж чадах ч гэлээ долоо хоногийн сүүлээр өөртөө бага зэрэг анхаарал хандуулахгүй бол болохгүй.
Үхэр
Таагүй мэдрэмж зонхилж, саад бэрхшээлтэй тулгарч магадгүй. Гэхдээ ажил мэргэжлийн хувьд хөгжил цэцэглэлт, эв найрамдал дүүрэн долоо хоног таныг хүлээж байна. Хамтран ажиллагсад болон ахмад хүмүүсийн дэмжлэгийг хүртэнэ. Өнгөрсөнд болсон үйл явдалтай холбоотойгоор хэт их сэтгэл хөдлөлийг мэдэрнэ. Хол амьдардаг ах дүү, төрөл садантайгаа уулзахаар замд гарах магадлалтай. Тэдэнтэй уулзсаны дараа таны доторх аз жаргалтай хүүхэд эргэн сэрэх болно. Хайр дурлалтай холбоотой асуудлыг шийдвэрлэхдээ нөгөө хүнээ эвгүй байдалд оруулж болзошгүй тул хэт хүчтэй хариу үйлдэл үзүүлэхээс сэрэмжил. Санхүүгийн байдал тогтвортой байх ч эрсдэлтэй хөрөнгө оруулалтаас зайлсхий. Эрүүл мэндийнхээ төлөө зөв хооллолт, дасгал хөдөлгөөнийг амьдралын хэвшил болго.
Ихэр
Танд олон шинэ боломжийг бэлэглэх долоо хоног айсуй. Үндсэндээ таны хувьд үр дүнд чиглэсэн долоо хоног гэж ойлгоорой. Зарим чухал үйл явдлуудыг төлөвлөхдөө санаа ихэд зовж байсан бол тэдгээрийнхээ ард төвөггүй гарч чадна. Ухаалаг байж чадвал зарим нөхцөл байдлыг өөртөө үр ашигтайгаар зохицуулах боломжтой. Таныг гайхашруулах хэн нэгэн ирж магадгүй. Мөн гэр бүлээрээ гадаад улсад аялж магадгүй. Хайр дурлалын харилцаа тогтвортой байна. Зарим ихрийн ордныхон долоо хоногийн эцсээр хайр дурлалтай холбоотой чухал шийдвэр гаргана. Санхүүгийн байдлаа сайжруулахын тулд нэмэлт хүчин чармайлт гаргах шаардлагатай болно. Үл хөдлөх хөрөнгөтэй холбоотой чухал асуудлаа шийдэхийн тулд бусдаас тусламж авна.
Мэлхий
Гэр бүлийн харилцааг эс тооцвол бусад харилцаанд болгоомжтой хандах хэрэгтэй. Зарим зүйлийг зүгээр л холоос ажиглах нь өлзийтэй. Найзууд тань жинхэнэ найз мөн эсэхийг таниж мэдэхэд багагүй цаг хугацаа зарцуулна. Та хэн нэгний ноцтой асуудлыг шийдэж өгч, аврагч нь болно. Аливаа хүнд хэцүү нөхцөл байдлын үед тайван байж, бусдыг ажигла. Карьер хөгжлийн хувьд яарвал даарна гэдэг үгийг санаарай. Суралцахад илүү их цаг гарга. Ирээдүйд тань ашиг тустай шинэ зүйл сурах, эс бол шинэ гэрээнд гарын үсэг зурна. Хайртай хосууд харилцаагаа шинэ түвшинд гаргаж, ойлголцоно. Үргэлжилсэн зөрчилдөөн энэ долоо хоногт дуусна. Ганц бие хүмүүст ганцаардсан, хоосорсон мэдрэмж төрж магадгүй. Санхүүгийн аливаа таамаглалаас зайлсхийж, эрсдэлтэй хөрөнгө оруулалт бүү хийгээрэй.
Арслан
Арслангийн ордныхны хувьд аз жаргалтай долоо хоног. Та бүх талаараа сайн сайхан байж, үр дүнд хүрнэ. Эрүүл мэнд ч, санхүүгийн асуудал ч жигд байна. Байшингаа засах, тавилга сэлт худалдаж авахад цаг хугацаа, мөнгө хөрөнгө зарцуулна. Долоо хоногийн сүүлээр шинэ үл хөдлөх хөрөнгө худалдаж авч ч магадгүй. Карьерын хувьд өсч дэвших боломж гарч, та урам зоригтой байх болно. Шинэ үүрэг даалгавар хүлээж авсан ч түүнийгээ амжилттай биелүүлж чадна. Ямартай ч карьерын талбарт та тун завгүй байх бололтой. Хайртай хүн тань бага зэрэг зөрүүд байх тул та илүү тайван байж, эв найрамдлаа хадгалаарай. Долоо хоногийн эцэс гэхэд бүх зүйл хэвийн болно. Санхүүгийн үнэхээр сайхан боломжууд гарч ирнэ. Боломжийг ашиглахын тулд жаахан чардайх шаардлага гарна, гэхдээ аз жаргалтайгаар.
Охин
Долоо хоногийн эхээр зарим нэг асуудал тулгарч магадгүй ч туршлагынхаа ачаар үүнийг хөнгөн даван туулж чадна. Мөн энэ долоо хоногт та чухал хүнээс сайн мэдээ сонсох болно. Машин, үл хөдлөх хөрөнгө худалдаж авах боломж гарна. Эдгээрт хөрөнгө оруулалт хийхэд таатай үе тохиож байна. Боломжит эх үүсвэрээс санхүүгийн ашиг хүртэнэ. Гэр бүлийн харилцаа аз жаргалтай байна. Хайр дурлал, гэр бүлийн харилцаагаа та мэргэжлийн хүн адил зохицуулж чадна. Шинэ найз нөхөдтэй болж магадгүйн зэрэгцээ хуучин найз нөхөддөө болгоомжтой хандах цаг. Ойр дотны хүмүүсийнхээ жинхэнэ нүүр царайг мэдээд гуниглах юм болж магадгүй. Бие махбод болон оюун санаандаа ялгалгүй анхаарал хандуулах хэрэгтэй. Заримдаа таны хөгжилтэй зан ааш хэрээс хэтрэх гээд байж магадгүй.
Жинлүүр
Инээмсэглээрэй. Учир нь энэ долоо хоногт инээмсэглэх олон шалтгаан гарна. Оюун санааны түвшинд ойлголцож чадах хэн нэгэнтэй уулзана. Мөн ирээдүйтэй холбоотой сайн сайхан шийдвэрүүдийг энэ долоо хоногт гаргана. Заримдаа зөн совиндоо итгээд үзэхэд гэмгүй. Үнэтэй эд зүйл худалдаж авах хүсэл төрж магадгүй. Нэгэнт хэрэгцээнд тань нийцсэн зүйл мөн бол эргэлзэлгүй сонголтоо хийж болно. Шаргуу хөдөлмөрийн үр шимээр санхүүгийн байдал сайжирна. Амьдралын бүх л талбарт бусдын тусламжийг хүртэнэ. Мөн энэ долоо хоногт та маш их шинэ зүйл сурах болно. Замбараагүй, хайнга байдлаас болж алдаа гаргаж магадгүй. Хайр дурлалын харилцааны хувьд жаахан эмзэг өдрүүд таныг хүлээж байна. Аливаа зүйл олон талтай гэдгийг та ойлгох хэрэгтэй.
Хилэнц
Шинэ зүйл туршихад тохиромжтой долоо хоног. Долоо хоногийн турш та маш их урам зоригтой байна. Алдагдсан боломжуудаа эргүүлэн авахын тулд багагүй хүчин чармайлт гаргана. Эцэг эх, ахмадуудаас зөвлөгөө авахыг хүсвэл дуулгавартай байгаарай. Алдаа дутагдлаа хүлээн зөвшөөрч, засч залруулах арга хэмжээ авах ёстой. Энэ нь таныг өсч дэвшихэд нөлөөлөөд зогсохгүй таныг төлөвшүүлэх болно. Хайр дурлалтай холбоотой асуудлаар зурхайчийг зорьж магадгүй. Гэхдээ энэ нь сайн үр дүн дагуулах магадлалтай байна. Санхүүгийн байдал сайжирна. Бүтээлч байж, санхүүгийн нөхцлийг тань сайжруулах зүйлсэд идэвх чармайлттай оролц. Хүнд хэцүү цагт мөнгө л танд тус болно гэдгийг санаж хуримтлалаа өсгөөрэй.
Нум
Сэтгэлийн хөөрөл, аз жаргал, эерэг эрчимээр дүүрэн долоо хоног. Ажил хайж буй хүмүүс хүссэн ажилдаа орох магадлалтай байна. Хүүхдүүд тань сайхан мэдээ дуулгаж, долоо хоногийн турш таны сэтгэл санааг гэрэлтүүлэх болно. Мөрөөдлийн байшиндаа орох эхний алхамаа хийнэ. Тодорхой төлөвлөгөө боловсруулж чадвал өдөр өнгөрөх тусам зорилгодоо хэрхэн хүрэх тань ойлгомжтой болно. Хайр дурлалын харилцаанд эготой холбоотой асуудал үүснэ. Энэ нь та хоёрын дунд томоохон зөрчилдөөн үүсгэж ч мэдэх юм. Хэтэрхий их өсөрхөж, хайртай хүнийхээ мэдрэмжийг гэмтээх хэрэггүй. Аливаа зүйлийн тунг нь тааруулахаа бүү март. Санхүүгийн байдал сайжирна. Ахиц дэвшил аажимдаа явагдах тул тэвчээртэй байгаарай. Эрүүл мэндтэй холбоотой ямар нэг зүйл шинээр турших хэрэггүй.
Матар
Бүх зүйлээс сайн сайхан талыг нь олж харж, өөртөө инээмсэглэх шалтгаан гаргахыг хичээ. Жижиг зүйлд бүү санаа зов. Сайхан зүйлсийг олж хардаг нүд л хамгийн үзэсгэлэнтэй гэдгийг санаарай. Та өөрийгөө ямар хүн бэ гэдгийг бусдын хандлагаас тусгаж хараарай. Сэтгэл хөдлөлөө хянаж, өөрийгөө эдгээх хэрэгтэй. Ирээдүйнхээ талаар гайхалтай төлөвлөгөө гаргах болно. Таны оюун ухаан аяндаа энэ чиглэлд таныг хөтлөх учир эргэлзэлгүйгээр алхам хийгээрэй. Томоохон шийдвэр гаргахаас өмнө бусдаас зөвлөгөө авахад буруудахгүй. Таныг гомдоохыг оролдох эсрэг хүйстнээс болгоомжил. Тэд таныг өөрөө авахгүй атлаа өрөөлд ч өгөхийг хүсэхгүй. Эго тань ихдээд хайр дурлалын харилцаанд асуудал үүсгэх магадлалтай. Санхүүгээ сайжруулах сайхан боломжууд гарч ирнэ. Аливаа хэлэлцээрийг эцэслэхээсээ өмнө долоо хэмжиж нэг огтол.
Хумх
Энэ долоо хоног сайнтай муутай, эрээн бараанаар дүүрэн байна. Өчүүхэн зүйлд бүү бухимд. Танд аз жаргалтай байх шалтгаан санаснаас тань олон бий. Амьдралдаа байгаа, өөрт заяагдсан бүхэнд баярла. Сайн сайхан гэнэт нэг л өдөр ирэхгүй, аажимдаа ирнэ. Шинэ зүйл сурах бөгөөд энэ нь таны өсөлтийн хамгийн чухал үе гэдгийг санаарай. Карьерын өсөлтийн тухайд ч бас шууд үр дүн хүлээх хэрэггүй. Сэтгэл татам шинэ сонголтууд руу тэмүүлэхээсээ өмнө одоо байгаа төслүүдээ анхаарал хандуулах хэрэгтэй. Хайр дурлалын харилцаан дээр алдаанаасаа суралцахыг зөвлөж байна. Шаргуу хөдөлмөрлөсөн шагналаа авна. Энэ нь танд цааш үргэлжлэх урам зориг өгнө. Санхүүгийн байдал ерөнхийдөө сайн байх ч долоо хоногийн сүүлээр өмч хөрөнгөтэй холбоотой асуудал үүсч магадгүй.
Загас
Энэ долоо хоногийг таны амьдралын хамгийн сайхан долоо хоногуудын нэг гэж болно. Та нарын зарим нь ажлаар гадаад улсад аялж магадгүй. Энэ нь таны хувьд нэр төрийн хэрэг байх болно. Харин та гадаадад суурьшихаар төлөвлөж байсан бол энэ долоо хоногт эхний алхамаа хийгээрэй. Энд тэндээс гэнэтийн бэлэг хүлээж авна. Гэр бүлийн асуудалтай байсан хүмүүс асуудлаа шийдвэрлэж чадна. Карьерын хувьд идэвхтэй, адал явдал дүүрэн долоо хоног. Дуусгаагүй ажлууддаа санаа тавиж, цаг алдалгүйгээр зоригтой урагшил. Хуучин хайртай буцаж нийлэх хүсэл төрж магадгүй. Гэхдээ энэ нь нөхцөл байдлыг дордуулахаас цаашгүй гэж зөвлөмөөр байна. Санхүүгийн байдал сайжирна. Олон шинэ боломж гарч ирнэ. Бэлтгэлтэй байж, шаардлагатай үед нь зоримог алхам хийгээрэй.