2025 оны гуравдугаар сарын сүүлийн арав хоногийн байдлаар манай орны ихэнх гол мөрөн, нуур мөсөн бүрхүүлтэй байна.
Хаврын шар усны үерийн олон жилийн ажиглалт хэмжилтээс харахад Хөвсгөлийн уулс, Хангай, Хэнтийн нуруунаас эх авсан голууд, Туул, Тэрэлж, Сэлбэ, Бэлх, Гүнт, Дунд гол зэрэг нь 4 дүгээр сарын эхний 10 хоногоос эхлэн 5 дугаар сарын сүүлээр бүрэн хайлж дуусдаг.
Иймд “Шар усны үерийн аюултай бүс” буюу өндөр уулын ам, гол усны ойр суурьшиж байгаа айл өрхүүд, аж ахуйн нэгж, байгууллагууд ойр орчмын цасаа зайлуулж, үерийн далан босгох, ус зайлуулах суваг, шуудууг цэвэрлэн сэргээж, шар усны үерийн аюулаас урьдчилан сэргийлэхийг зөвлөж байна.
