АНУ-ын Ерөнхийлөгч Дональд Трамп хэвлэлд өгсөн ярилцлагадаа Оросын газрын тосыг худалдан авдаг орнуудад хоёрдогч татвар ноогдуулах тухайлбал 25-50 хувийн татвар тогтоох боломжтой гэж сүрдүүллээ.
Хэрэв АНУ ОХУ-тай Украины дайныг зогсоох тохиролцоонд хүрч чадахгүй байдалд орж, үүнд Москва буруутай гэж үзвэл ийм арга хэмжээ авахад Вашингтон бэлэн гэж мэдэгдээд тэрээр энэ төлөвлөгөө хэрэгжиж эхлэхэд хүрвэл “Оросоос газрын тос худалдах авах аливаа улс АНУ-тай бизнес хийж чадахгүй байдал хүрнэ” гэдгийг анхааруулжээ.
Путин Зеленский бол хууль ёсны ерөнхийлөгч биш, түүний бүрэн эрхийн хугацаа өнгөрсөн оны тавдугаар сард дууссан гэж үзэж байгаа. Тиймээс Зеленскийтэй ямар нэгэн хэлэлцээрт хүрсэн тохиолдолд тус баримт бичиг ирээдүйд хууль ёсны эсэх асуудал үүсэх эрсдэлтэй гэж болгоомжилж байгаа юм. Иймд Путин Украинд сонгууль явуулж, Зеленскийг өөрчлөхийг хүсэж байгаа гэвч энэ байдал нь Трампад одоо таалагдахгүй болж эхэлсэн бөгөөд ингэснээр дайн дуусгах биш улам сунжирна гэж тэр харж байна. Иймд богино хугацаанд дайныг дуусгана гэж амлаж байсан Трампын амлалт хэрэгжихэд удааширч, хүндэрч байгаа тул тэрээр Путинд бухимдлаа илэрхийлжээ.
