Ердөө хэдхэн хоногийн өмнө Франц, Их Британи улсууд Киевт төлөөлөгчдөө илгээж Украинд цэргээ оруулах асуудлыг судлах, төлөвлөгөө боловсруулах тухай мэдээлж байсан.
Харин өчигдөр Украины Ерөнхийлөгч Влодимир Зеленский энэ Баасан гарагт Франц, Их Британи болон Европын зарим орны төлөөлөгчидтэй уулзаж, Украинд энхийг сахиулагчдыг оруулах асуудлаар ярилцана гэж мэдэгдлээ.
Хэрэв Орос, Украины хооронд гал зогсоох хэлэлцээр байгуулагдвал НАТО-гийн гишүүн цэргийн хүчирхэг орны цэргүүд Украины аюулгүй байдлыг хамгаалах ёстой гэсэн хатуу байр суурийг Киев баримталж байгаа. Энэ байдалд ч Европын Франц, Их Британи, Польш, Чех болон төв, зүүн Европын орнууд санал нэгтэй байна.
Мягмар гарагт Киев хотноо болсон хэвлэлийн бага хурлын үеэр Зеленский “Украинд цэргээ оруулахад бэлэн байгаа улс орнуудын цэргийн албан тушаалтнуудmga уулзалт хийж, хэдэн тооны цэргийг Украины яг хаана, яаж байрлуулах талаар ярилцахыг хүсэж байна” гэжээ.
Эх сурвалж: https://www3.nhk.or.jp/nhkworld/en/news/20250402_06/