ОХУ-ын Ерөнхийлөгч Владимир Путин 18-30 насны 160,000 эрэгтэйг цэргийн албанд татах шийдвэр гаргасан байна. Энэ нь 2011 оноос хойших хугацаанд ОХУ-д хамгийн олон залуусыг цэргийн албанд татахаар болж байгаа гэдгийг Британийн БиБиСи Телевизд мэдээлжээ.
Ингэснээр ОХУ-ын нийт цэргийнхээ бие бүрэлдэхүүний тоо бараг 2.39 саяд хүрэх бол, цэргийн жинхэнэ албан хаагчдын тоо 1.5 саяд хүрнэ.
Орос-НАТО гийн сөргөлдөөн улам хурцдаж, дэлхийн дахинд аюулгүй байдал хурцаар тавигдаж байгаа энэ цаг үед Москва армийн хүчээ нэмэгдүүлэх урт хугацааны стратеги баримталж байна. Тийм учраас ирэх гурван жилийн хугацаанд Оросын арми 180 мянгаар шинэ хүчнээр эгнээгээ бэхжүүлэхээр болжээ.
Оросын батлан хамгаалах хүчний өндөр албан тушаалтаны мэдээлснээр шинээр цэрэгт татагдсан залуус Украины байлдааны үйл ажиллагаанд оролцохгүй гэж мэдээлсэнийг мөн БиБиСи иш татжээ.
Эх сурвалж: https://www.bbc.com/news/articles/c36718p52eyo